فيزا eb3 unskilled workers هى فيزا عمل بتقدم عليها عن طريق ان شركة بتعملك sponsor مش محتاجة خبرة ولا شهادة معينة لان شغلها كل entry level يعنى مثلا فى مطعم ، مصنع ، مخزن ، فنادق )house keeping ) ميزتها ان لو اتقبلت بتاخد جرين كارد على طول ١٠ سنوات و تقدر تقدم على الحنسية بعد ٥ سنوات.

الفكرة كلها انك بتلتزم مع الشركة اللى عملتلك سبونسر انك بتشتغل معاهم دوام كامل (٤٠ ساعة) لمده سنة كاملة لو قعدت اقل من كده هنا ممكن يكون عندك مشكلة ان هما ممكن يلغولك #الجرين كارد.

المشكلة التانية ان هى مكلفة لانك لما بتقدم عن طريق agency بياخد منك فلوس كتير طبعا ميزة انك بتقدم عن طريق agency محترم ان هو بيعملك كل حاجة بيجبلك الشركة اللى حتعملك sponsorship و بيقدملك على كل حاجة و فى agencies كتيير طبعا فى الموضوع ده و فى برضو #نصب اكتر عشان كده لازم تتحرى كويس جدا قبل ما تدفع #فلوس مثال للوكالات دى bdv, mercan وفى اسماء تانية بس دول من اشهر اتنين و bdv اغلاهم بس اضمنهم..

المشكلة التالتة ان الموضوع بعد كورونا و backlog اللى عندهم بقى بياخد وقت طويل ممكن من ١٨ شهر يوصل ل ٣ سنين بحد اقصى.

بتقدم ازاى ؟ تقدر تقدم على كل حاجة من بلدك و تقدر تقدم من داخل امريكا لو انت مقيم قانونى ماعدا لو فيزا سياحة متقدرش تحولها ل eb3 لكن لو مثلًا دراسة تقدر تتحول عادى….

تكلفتها من 20,000$ ل 35,000$ حسب ال agency اللى حتخترها بس بيبقى كلهم عندهم نظام دفع و ممكن تقسط لمدة سنتين.

من مميزتها لو انت متزوج و عندك ولاد بياخده معاك الجرين كارد على طول طيب لو انت مهندس ، دكتور ، عالم فيزياء ، معاك ثانوية عامة اى حد يقدر يقدم عليها ملهاش دعوة بشهادتك و لا بخبرتك و لا بأى حاجة.

الفيزا متاحه و ناس كتير بيجو عليها خاصه من اوروبا الشرقيه لكنها متاحه لكل للناس.